忽然

我究竟是個忽然人，
喜歡忽然行頭，
忽然乜忽然物，
會忽然想食雞翼，
會忽然想唱K，
會忽然傷心忽然傷神，
忽然興起又忽然粒聲唔出，
忽然寫小說忽然寫劇本，
忽然戒煙又忽然戒酒，
忽然留長髮轉頭又剪短，
忽然長嗟忽然短嘆，
忽然大條道理忽然打橫黎，
忽然有人鍾意忽然有人討厭，
忽然太多又會忽然太少，
忽然變肥又唔難忽然變瘦，
忽然愛忽然好愛忽然不再愛，
你吃不消了？

忽然對你好忽然唔理睬，
忽然百般忍讓忽然大發雷霆，
忽然事事以你為先忽然連你姓乜都唔知，
忽然來忽然去，
忽然又來忽然又去，
忽然再來忽然再去，
忽然自此沒有忽然。

一個忽然人，
忽然一個人，
剛剛星期日早上，
天空高高氣清涼，
看著運動場，
忽然掛住一個人。

忽然，我期待下一次忽然。